ქალაქ ოდესას ოკუპანტებმა კამიკაძე დრონებით შეუტიეს. სამიზნე ქალაქის მჭიდროდ დასახლებული რაიონი გახდა. იერიშების შედეგად 3 ადამიანი დაშავდა. ინფორმაციას ადგილობრივი ოფიციალური პირები ავრცელებენ.

“მტერმა ოდესის მჭიდროდ დასახლებულ რაიონში საცხოვრებელი უბანი დაბომბა,” – დაწერა ქალაქის მერმა Telegram-ში.

გუბერნატორის ცნობით, ოდესაზე თავდასხმამ საცხოვრებელი სახლები, სამოქალაქო ინფრასტრუქტურა, საგანმანათლებლო დაწესებულება და სატრანსპორტო საშუალებები დააზიანა.

უკრაინის საჰაერო ძალების ცნობით, გასულ ღამეს, რუსეთმა უკრაინის მიმართულებით თავდასხმის 54 დრონი გაუშვა, რომელთაგან 38 ჩამოაგდეს, 16-მა კი სამიზნეს ვერ მიაღწია