ბათუმში, ფრიდონ ხალვაშის ქუჩის მიმდებარედ, სამშენებლო მოედანზე, სადაც ხშირად თამაშობენ ბავშები, უბედური შემთხვევა მოხდა: 5 და 7 წლის ბავშვები წყლით სავსე თხრილში ჩაცვივდნენ და დაიღუპნენ.
ამ წუთებში ტრაგედიის ადგილზე მოქალაქეები არიან შეკრებილი. მათი თქმით, სამშენებლო მოედანი შემოღობილი არ იყო.
“როცა ხელისუფლებიდან მოდიან, მაშინ აკეთებენ ღობეს”, – ამბობენ ადგილობრივები.
ადგილზე მისულმა ბათუმის საკრებულოს თავმჯდომარე მოსახლეობას ესაუბრა და ჟურნალისტებს პრეტენზიია განუცხადა, რომ მომხდარის შესახებ არასწორ ინტერპრეტაციას აკეთებენ.
მომხდარ ტრაგედიასთან დაკავშირებით განცხადება გაავრცელა ბათუმის მერიამ:
“უბედური შემთხვევა მოხდა ქალაქ ბათუმში, ფრ. ხალვაშის გამზირის #188-ის მიმდებარედ. წყლით სავსე თხრილში ორი არასრულწლოვანი ჩავარდა, საუბედუროდ, მათი გადარჩენა ვერ მოხერხდა.
სამძიმარს და თანადგომას ვუცხადებთ გარდაცვლილთა ოჯახებს ტრაგედიის ამ მძიმე წუთებში. მომხდარის დეტალებს დაადგენს აჭარის პოლიციის დეპარტამენტი დაწყებული გამოძიების ფარგლებში.”