საქართველოს პრეზიდენტის გიორგი მარგველაშვის თქმით, არა აქვს გადაწყბეტილი, იქნება თუ არა პრეზიდენტობის კანდიდატი. ერთადერთი საკითხი, რასაც გიორგი მარგველაშვილი ხაზგასმით აღნიშნავს, ისაა, რომ ის მიხეილ სააკაშვილის პოლიტიკური მოკავშირე არ გახდება.
თუ ვიქნები კანდიდატი, ვიქნები საზოგადოების წარმომადგენელი და პოლიტიკური ჯგუფები რა როლს ითამაშებენ, ეს ამ ეტაპზე განხილვადი არ არის, – აცხადებს მარგევლაშვილი. „ჩემი მოკავშირე მხოლოდ ქართული საზოგადოებაა და თუ გადავწყვეტ, კენჭი ვიყარო პრეზიდენტობაზე, სწორედ საზოგადოება იქნება ამოსავალი წერტილი. სხვათა შორის ასე იყო „ქართული ოცნების“ ფარგლებშიც. მე „ქართული ოცნება“, როგორც პოლიტიკური ძალა, მიჭერდა მხარს, მაგრამ მე არ ვიყავი ოცნების, როგორც პარტიის ან კოალიციის წევრი, ვიყავი ზეპარტიული. შეუძლებელია, რომ მე პარტიაში გავწევრიანდე. ჩემი პოზიციაა, რომ თუ ვიქნები კანდიდატი, ვიყო საზოგადოების წარმომადგენელი და პოლიტიკური ჯგუფები რა როლს ითამაშებენ, ეს ამ ეტაპზე განხილვადი არ არის. არავისთან მქონია კონსულტაცია, მაგრამ სააკაშვილის მოკავშირე მე ვერ ვიქნები“, – განაცხადა გიორგი მარგველაშვილმა.