საავტომობილო გზების დეპარტამენტის ცნობით, დიდთოვლობის გამო ზემო სვანეთისკენ მიმავალ გზებზე დროებითი შეზღუდვებია. ზუგდიდი – ჯვარი-მესტია-ლასდილის საავტომობილო გზის ხაიში-უშგულის მონაკვეთზე აკრძალულია მისაბმელიანი,ნახევარმისაბმელიანი ტრანსპორტისა და ოცდაათ კაცზე მეტი ტევადობის ავტობუსების მოძრაობა, სხვა სახის ტრანსპორტის მოძრაობა თავისუფალია
თბილისი-სენაკი-ლესელიძის საავტომობილო გზის 206-ე კილომეტრზე, მდინარე ჩხარას ადიდების გამო, ავტოტრანსპორტის მოძრაობა იკრძალება. ადიდებულმა მდინარემ, ზესტაფონი ქუთაისის დამაკავშირებელ დროებით გზას ძირი გამოაცალა და ასფალტის საფარი მთლიანად ჩამოშალა.
სწორედ ამიტომ, ავტოტრანსპორტის მოძრაობა დროებით ზესტაფონი-ბაღდათი-ქუთაისის საავტომობილო გზაზე გადაერთვება.
თერჯოლის მუნიციპალიტეტის გამგებლის ცნობით, აღდგენით სამუშაოებს რამდენიმე დღე დასჭირდება. საგზაო დეპარტამენტში კი ამბობენ, რომ აღდგენითი სამუშაოები დღესვე დასრულდება და გზა დღის ბოლომდე გაიხსნება.ინტენსიური თოვის, ქარბუქისა და შეზღუდული ხილვადობის გამო შეზღუდვებია გზებზე საქრთველოს სამხრეთ-დასავლეთ რეგიონშიც.