მთავარისიახლეებიკობახიძის მითითების შემდეგ, კუპრაშვილმა TI-ს საარჩევნო მიზნის მქონე ორგანიზაციის სტატუსი მოუხსნა

კობახიძის მითითების შემდეგ, კუპრაშვილმა TI-ს საარჩევნო მიზნის მქონე ორგანიზაციის სტატუსი მოუხსნა

Published on

ანტიკორუფციულმა ბიურომ “საერთაშორისო გამჭვირვალობა საქართველოს” განცხადებული საარჩევნო მიზნის მქონე ორგანიზაციის სტატუსი მოუხსნა. ამის შესახებ რაჟდენ კუპრაშვილის საგანგებო ბრიფინგზე გახდა ცნობილი.

კუპრაშვილი დღეს ამტკიცებდა, რომ მისი თავდაპირველი გადაწყვეტილება კანონიერია, თუმცა მისი შეცვლის მიზეზი, მისივე თქმით, არჩევნების შედეგების ლეგიტიმაციის ეჭვქვეშ დაყენების საფრთხეა:

საქართველოს კონსტიტუცია ცალსახად აღნიშნავს, რომ სახელმწიფო ხელისუფლების წყაროა ხალხი, ხოლო არჩევნები წარმოადგენს დემოკრატიის უმთავრეს წინაპირობას. არავის არ უნდა მიეცეს შესაძლებლობა, რომ ეჭვქვეშ დააყენოს საქართველოს მოქალაქეების მიერ არჩევნებში დაფიქსირებული შედეგები. აღნიშნულიდან გამომდინარე, და ქვეყნის ეროვნული ინტერესების გათვალისწინებით, აუცილებლად მივიჩნევ, რომ გამოვიყენო დისკრეცია და გამჭვირვალობა საქართველოს და ეკა გიგაურს გავუუქმო ყველა ის გადაწყვეტილება, რომლის თანახმადაც ორგანიზაციას და ეკა გიგაურს დაევალდებულათ გამჭვირვალე გაეხადათ პოლიტიკურ პროცესებში გაწეული დანახარჯები და ეს გაეცნოთ საზოგადოებისთვის. ” განმარტა კუპრაშვილმა.

შეგახსენებთ, გუშინ, 1-ელ ოქტომბერს პრემიერმა კობახიძემ განცხადება გაავრცელა და რაჟდენ კუპრაშვილს 24 სექტემბერს მიღებული გადაწყვეტილების “გადახედვისკენ” მოუწოდა.

კობახიძის ამ განცხადებას წინ უსწრებდა ევროპის საბჭოს საპარლამენტთაშორისო ასამბლეის განცხადება, სადაც სადამკვირვებლო მისიების დევნის გამო ეჭვქვეშ იყო დაყენებული მოახლებული არჩევნების ლეგიტიმურობა.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...