სოციალური და ჯანდაცვის საკითხების განხილვას საკრებულოს სხდომაზე ხმაური მოყვა. ერთმანეთს ზუგდიდის მუნიციპალიტეტის მერის მოადგილე მაიზერ ნანავა და „ნაციონალური მოძრაობის“ დეპუტატი ანა წითლიძე დაუპირისპირდნენ. მაიზერ ნანავამ ანა წითლიძეს დემაგოგი უწოდა. მერის მოადგილის გაღიზიანება ოპოზიციური დეპუტატის რეპლიკამ გამოიწვია, წითლიძემ მაიზერ ნანავას უთხრა, რომ ის ნაბახუსევი იყო, რასაც ნანავას მხრიდან რეაქცია მოყვა და დეპუტატს დემაგოგი უწოდა.“ ნაბახუსევი დადიხარ სხდომებზე, თანამდებობისთვის შეუფერებელი ხარ…ნერვები დაიმშვიდე“- უთხრა წითლიძემ ნანავას. „მე სხდომაზე ნაბახუსევი არ დავდივარ, შენ ხარ მატყუარა, ელემენტარული დებულება უნდა იცოდე, როცა სხდომაზე მოდიხარ და საკითხს ეხები“- უთხრა მერის მოადგილემ წითლიძეს .ფრაქცია „ნაციონალურმა მოძრაობამ“ მერია  სოციალური და ჯანდაცვის პროგრამისთვის განკუთვნილი ხარჯების შემცირებაში დაადანაშაულა. „შენ თვითონ ხარ ნაბახუსევი. მე სხდომაზე ნასვამი არ დავდივარ. შენ ხარ მატყუარა“, – უთხრა მაიზერ ნანავამ წითლიძეს.