რუსეთის ანტიტერორისტულმა ნაციონალურმა კომიტეტმა გუშინ ღამით ბრიანსკის ოლქში კონტრტერორისტული რეჟიმის მდგომარეობა გამოაცხადა, მოგვიანებით კი იგივე რეჟიმი გამოცხადდა ბელგოროდისა და კურსკის ოლქების ტერიტორიაზე.
კონტრტერორისტული რეჟიმი გულისხმობს საზოგადოებრივი წესრიგის გაძლიერებულ დაცვას, მოქალაქეების დროებით გამოსახლების უფლების გამოყენებას, ტრანსპორტის მოძრაობის შეზღუდვას, დოკუმენტების შემოწმებასა და მოქალაქეთა სატელეფონო საუბრებზე წვდომას, მათი გაკონტროლების მიზნით.
ამასთან, ვრცელდება ინფორმაცია, რომ უკრაინელი სამხედროები წინ, კურსკის ატომური ელექტროსადგურისკენ მიიწევენ. დილიდან რუსული ღია წყაროები წერენ, რომ დღეს უკრაინელებმა, მინიმუმ, სამი დასახლება კიდევ აიღეს.