ევკალიპტის ხე "დმანისის გადარჩენის ფონდმა" 20 020 ლარად იყიდა

აუქციონზე ევკალიპტის ხე 20 020 ლარად გაიყიდა. ევკალიპტის ხე დმანისის გადარჩენის ფონდმა შეიძინა.ეკონომიკის სამინისტროს მიერ ჩატარებულ აუქციონს ორი მონაწილე ჰყავდა. ოპოზიციური პარტიების წარმომადგენლების ვარაუდით, მეორე მონაწილე ყოფილი პრემიერის, ბიძინა ივანიშვილის, კომპანია იყო, რომელიც ივანიშვილს ხეების გადატანაში ეხმარება.ევკალიპტის ხის საწყისი ფასი 7 ათასი ლარი იყო.ერთიანი ნაციონალური მოძრაობის პოლიტიკური საბჭოს თავმჯდომარის, ნიკა მელიას, თქმით, ევკალიპტის ხის შეძენით ივანიშვილს ოპოზიციამ მძლავრი შეტყობინება გაუგზავნა.„დღეს ოპოზიციამ ბიძინა ივანიშვილს გაუგზავნა მძლავრი გზავნილი, რომ არცერთ მსგავს გადაცდომას აღარ ვაპატიებთ. ბოლომდე მოგყვებით, გამოწვევა მიღებულია,“ – განაცხადა ნიკა მელიამ.პოლიტიკური პლატფორმა „ახალი საქართველოს“ თავმჯდომარემ, გიორგი ვაშაძემ აღნიშნა, რომ დღევანდელი აუქციონი ხელისუფლებისთვის გზავნილი უნდა იყოს.საქართველოს რესპუბლიკური პარტიის პოლიტიკური მდივანი, თამარ კორძაია აღნიშნავს, რომ ხეს არავინ არ გადარგავს.ოპოზიციური პარტიების წარმომადგენლების თქმით, თანხის მობილიზება უახლოეს პერიოდში დაიწყება. ანგარიშის ნომერი გამოცხადდება და მოქალაქეებს გადარიცხვის შესაძლებლობა მიეცემათ.

ევკალიპტის ხე “დმანისის გადარჩენის ფონდმა” 20 020 ლარად იყიდა

სიახლეები

საქართველო პუტინის მარიონეტების მიერ სახელმწიფოს მიტაცებას განიცდის – პავილიონისი

შეშფოთებულები ვართ პოლიტიკოსების დაპატიმრებებით – მარია ტელალიანი

როგორც ვენსმა თქვა, “ოპონენტების გაჩუმებით, ციხეში ჩასმით მანდატს ვერ მოიპოვებთ”-დანიგანი

დღეს სასამართლოში საბა ჯიქიასა და გიორგი მინდაძის საბოლოო პროცესები გაიმართება