მიხეილ სააკაშვილმა გირგვლიანის საქმეზე გამოტანილი გამამტყუნებელი განაჩენი სააპელაციო სასამართლოში გაასაჩივრა

საქართველოს ყოფილი პრეზიდენტი მიხეილ სააკაშვილი ქართულ სასამართლოებში დავას განაგრძობს. სააკაშვილი, მისთვის სახელმწიფოს ხარჯზე დანიშნულ ადვოკატს დაუკავშირდა და სანდრო გირგვლიანის საქმეზე გამოტანილი გამამტყუნებელი განაჩენი, სააპელაციო სასამართლოში გაასაჩივრებინა. როგორც „ინტერპრესნიუსს“ სააკაშვილის ინტერესების დამცველმა სოფიო გოგლიჩიძემ განუცხადა, ყოფილ პრეზიდენტსა და მას შორის კომუნიკაცია წერილობით შედგა. ამასთან, ადვოკატის თქმით, მიხეილ სააკაშვილის წერილი მას, ყოფილი პრეზიდენტის დედამ გადასცა. სააპელაციო სასამართლოში მიხეილ სააკაშვილის საქმის განხილვა 29 მარტიდან დაიწყება. შეგახსენებთ, რომ მიხეილ სააკაშვილს სანდრო გირგვლიანის საქმეზე თბილისის საქალაქო სასამართლომ 3 წლით თავისუფლების აღკვეთა შეუფარდა. მასვე დამატებითი სასჯელის სახით თანამდებობის დაკავების უფლება ერთი წლითა და ხუთი თვის ვადით ჩამოერთვა.სანდრო გირგვლიანის საქმეზე მიხეილ სააკაშვილს ბრალი სამსახურებრივი უფლებამოსილების ბოროტად გამოყენების მუხლით აქვს წაყენებული. გამოძიების თანახმად, მიხეილ სააკაშვილმა კუდ-ის იმჟამინდელ ხელმძღვანელს დათა ახალაიას სანდრო გირგვლიანის მკვლელობისთვის მსჯავრდებულების შეწყალების უკანონო დაპირება მისცა და შემდეგ უკვე შეწყალების კომისიის გვერდის ავლით გერონტი ალანია, მიხეილ ბიბილურიძე, ავთანდილ აფციაური და ალექსანდრე ღაჭავა შეიწყალა, რითაც შექმნა სამართლებრივი ბერკეტი, მსჯავრდებულების პირობით ვადამდე გათავისუფლებისთვის.

სიახლეები

ბოჭორიშვილი- EU-ში ხშირად ატარებენ შეხვედრებს, იმისთვის რომ საქართველო არ მიიწვიონ

საიამ სტრასბურგში რუსეთის წინააღმდეგ ანწუხელიძისა და სხვა სამხედროების საქმეები მოიგო

“დროა”-ელენე ხოშტარიას ჯანმრთელობის მდგომარეობა კიდევ უფრო გაუარესდა

უკრაინის იერიშების გამო რუსეთი საწვავის იმპორტსა და მის სუბსიდირებას განიხილავს