პარტია “საქართველოსთვის” თავმჯდომარის მოადგილე, ნათია მეზვრიშვილი ივანიშვილის ხელისუფლებას ადანაშაულებს, რომ ანტიდასავლური რიტორიკით და ანტიდემოკრატიული ნაბიჯებით ქვეყანას ომის რისკის წინაშე აყენებს.
ყოფილი პრემიერის გუნდის წევრი ამბობს, რომ “ოცნება” საქართველოს “ომში მიათრევს”.
ნათია მეზვრიშვილი სტრატეგიულ პარტნიორებთან კარგი ურთიერთობის მნიშვნელობაზეც საუბრობს და აცხადებს, რომ საერთაშორისო პარტნიორები რუსეთის წინააღმდეგ საქართველოს ფარია.
ალბათ, “ოცნება” უნდა ელოდოს კიდევ უფრო მძიმე გადაწყვეტილებებს შტატებისგან. სტრატეგიული პარტნიორები, პრაქტიკულად, არის ჩვენი ფარი რუსეთის წინააღმდეგ, საქართველოს ერთადერთი მტრის წინააღმდეგ. ჩვენ თუ ამის გარეშე დავრჩებით და ყველაფერი მიდის აქეთკენ, პირველ რიგში, უსაფრთხოების რისკები შეექმნება ამ ქვეყანას. თუ ვინმე ომში მიათრევს ქვეყანას დღეს, ეს არის “ოცნება”. თუ ვინმე ომის რისკის წინაშე აყენებს ქვეყანას, ეს არის “ოცნება” ამ ნაბიჯებით. ზოგადად, ისინი აბრალებენ ოპოზიციას და დასავლელ პარტნიორებს იმას, რაც თავად არიან”, – ამბობს მეზვრიშვილი.