ზუგდიდის მუნიციპალიტეტის საკრებულოში ახალი ფრაქცია „ევროპელები“ იქმნება. საკრებულოს აპარატის ინფორმაციით, კომისიას უკვე განხილული აქვს საკითხი, რომელიც დოკუმენტაციის სახით შეიტანა ფრაქციამ. ოფიციალურად დადასტურებამდე რჩება ბიუროსა და საკრებულოს დამტკიცება. სამკაციან ფრაქციას საკრებულოში „ევროპული საქართველოს“ წევრი ბათლომე შელია უხელმძღვანელებს, ხოლო წევრები იქნებიან ირაკლი ღურწკაია, რომელიც ასევე „ევროპული საქართვლოს“ წევრია და გელა თოლორაია, რომელიც საკრებულო „ერთიანი ნაციონალური მოძრაობის“ პროპორციული სიით გასული დეპუტატია, თუმცა მან პარტიის დატოვების შესახებ განცხადება არჩევნებამდე ერთი კვირით ადრე გააკეთა. ის ამ დრომდე საკრებულოს არც ერთ სხდომას არ დასწრებია.“იურიდიულმა კომისიამ განიხილა ჩვენი ფრაქციის შესახებ დოკუმენტაცია და ახლა ველოდებით საკრებულოს დამტკიცებას. გელა თოლორაია გახდა „ევროპული საქართველოს“ წევრი და ფაქტიურად შექმნილი გვაქვს ფრაქცია“- განუცხადა „ოდიშინიუსს“ საკრებულოს წევრმა ბათლომე შელიამ.
ფრაქცია “ევროპელების” შექმნის ოფიციალურად დადასტურება საკრებულოს სხდომაზე მოხდება
Published on