“ჩვენ მტკიცედ ვუჭერთ მხარს საქართველოსთვის კანდიდატის სტატუსის მინიჭებას ამ კვირაში, რადგან ცხადია, რომ საქართველოს მოსახლეობა ევროკავშირის მიმართულებით მოძრაობის მომხრეა”, – ეს განცხადება გერმანიის ევროპისა და კლიმატის საკითხებში სახელმწიფო მინისტრმა ანა ლუჰრმანმა ბრიუსელში გააკეთა.

მისი თქმით, საქართველომ გაატარა რეფორმები, მაგრამ ქვეყანას ჯერ კიდევ ბევრი რეფორმა აქვს გასატარებელი.

მე ოქტომბერში ვიყავი საქართველოში და ვნახე, როგორი ენთუზიაზმითაა ხალხი განწყობილი ქვეყანაში ევროკავშირთან დაკავშირებით. ვფიქრობ, გატარებული რეფორმები სწორ მიმართულებაზე მიუთითებს, მაგრამ ცხადია, რომ ქვეყანას ჯერ კიდევ ბევრი რეფორმა აქვს წინ და ჩვენ განსაკუთრებით ველოდებით თავისუფალი და სამართლიანი არჩევნების პროცესს მომავალ წელს“, – განაცხადა ანა ლუჰრმანმა.