საქართველოს საგარეო საქმეთა სამინისტროს მიერ გავრცელებული ინფორმაციით, ევროპის საბჭოს მინისტრთა მოადგილეების კომიტეტის სხდომაზე განიხილეს ევროსაბჭოს გენერალური მდივნის მიერ მომზადებული კონსოლიდირებული ანგარიში სახელწოდებით „კონფლიქტი საქართველოში“ .
ანგარიში მოიცავს პერიოდს 2015 წლის აპრილიდან სექტემბრის ჩათვლით და მასში ყურადღება გამახვილებულია საქართველოს ოკუპირებულ ტერიტორიებზე ადამიანის უფლებების კუთხით არსებულ რთულ მდგომარეობაზე.
სხდომაზე სიტყვით გამოვიდა საქართველოს საგარეო საქმეთა მინისტრის მოადგილეც. სხდომაზე ევროკავშირის სახელით გაკეთდა განცხადება, რომელშიც ევროკავშირის წევრმა სახელმწიფოებმა გამოხატეს მტკიცე მხარდაჭერა საქართველოს მიმართ და კიდევ ერთხელ მოუწოდეს რუსეთს საერთაშორისო ვალდებულებების შესრულებისკენ.