სამხრეთ სუდანში რუსული სამხედრო-სატრანსპორტო თვითმფრინავი Ан-12 ჩამოვარდა. როგორც სააგენტო "როიტერი" იტყობინება , ბორტზე 20 ადამიანი, მათ შორის ეკიპაჟის წევრები და მგზავრები იმყოფებოდნენ. ვრცელდება ინფორმაცია 2 გადარჩენილზე, მათ შორის ერთი ბავშვია. .სააგენტო "რია ნოვოსტი" თვითმხილველებზე დაყრდნობით წერს, რომ კატასტროფის ადგილზე შესაძლოა, 40-ზე მეტი ცხედარი იყოს.

ადგილობრივი მედიის ცნობით, თვითმფრინავი ქალაქ პალოჩში მიემგზავრებოდა და დედაქალაქ ჯუბას აეროპორტის სიახლოვეს ჩამოვარდა აფრენიდან რამდენიმე წუთში.
 თვითმფრინავის ფრაგმენტები მდინარე თეთრი ნილოსის ნაპირის გასწვრივ აღმოაჩინეს. ოფიციალური ცნობები ამ დრომდე არ ვრცელდება