მთავარისიახლეებიზურაბიშვილი ამბობს, რომ კანდიდატის სტატუსზე უარი "რუსეთისთვის დიდი გამარჯვება იქნება"

ზურაბიშვილი ამბობს, რომ კანდიდატის სტატუსზე უარი “რუსეთისთვის დიდი გამარჯვება იქნება”

Published on

პრეზიდენტი სალომე ზურაბიშვილი CBS NEWS-თან ინტერვიუში ამბობს, რომ თუ ევროკავშირისგან სტატუსს ვერ მივიღებთ, “ეს იქნება დიდი გამარჯვება რუსეთისთვის”.

ჟურნალისტმა პრეზიდენტის ევროპაში ვიზიტებზეც ისაუბრა, რასაც “ქართული ოცნების” მხრიდან იმპიჩმენტის პროცედურა მოჰყვა. მან ჰკითხა ზურაბიშვილს “ჰგავს თუ არა ეს იმას, რომ ირაკლი ღარიბაშვილი არ არის დაინტერესებული EU-ში გაწევრიანებით”. ზურაბიშვილმა პასუხად თქვა, რომ “ეს არის კითხვა, რომელსაც სვამს მთელი მოსახლეობა”, მართლა სურს თუ არა “ქართულ ოცნებას” ევროკავშირში ინტეგრაცია.

კითხვაზე, ამ კრიტიკულ მომენტში, ფიქრობს თუ არა, რომ დასავლეთი, განსაკუთრებით კი აშშ საკმარისად უჭერს მხარს საქართველოს – პრეზიდენტი პასუხობს, რომ მხარდაჭერა უფრო საჯარო უნდა ყოფილიყო.

“მე უკვე ხუთი წელია პრეზიდენტი ვარ. და მე ვერ მოვახერხე რაიმე სახის შეხვედრის ჩატარება ჩემ დონეზე, რომელიც იქნებოდა პრეზიდენტი ან ვიცე-პრეზიდენტი თუნდაც სატელეფონო ზარის საშუალებით. მესმის, რომ უფრო აქტუალური საკითხებია. მაგრამ ვფიქრობ, უფრო მეტი საჯარო აღიარებაა საჭირო, იმის შესახებ, რომ შეერთებული შტატები მხარს უჭერს ჩვენ კანდიდატის სტატუსს ევროკავშირში”, – თქვა ზურაბიშვილმა.

ზურაბიშვილი ამბობს, რომ ეს მნიშვნელოვანი იქნებოდა საქართველოს მოსახლეობისთვის.

სიახლეები

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა, რომელშიც ქვეყანაში მიმდინარე მოვლენები დემოკრატიის...

ირაკლი ზარქუა რასა იუკნევიჩიენეზე – რაისა „კომუნისტკა“ არ ისვენებს

"რაისა და მისი სადაქალო“ - ასე მოიხსენიებს "ოცნების" დეპუტატი ირაკლი ზარქუა იმ ევროპარლამენტარებს, რომლებიც,...

პროკურატურის დღევანდელმა მოწმეებმა სინდისის პატიმრების წინააღმდეგ ჩვენება ვერ მისცეს

სინდისის პატიმრების, ანდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას, გურამ მირცხულავას,...

სურსათის ეროვნულმა სააგენტომ ატმის შეღებვის საქმეზე საგამოძიებო ორგანოებს მიმართა

სოციალურ ქსელში გავრცელდა ვიდეო, სადაც ჩანს, რომ კაცი გასაყიდად გამოტანილ ატამს ღებავს. კადრებმა საზოგადოებაში...