ლარის 20 წლიანი ისტორიის მანძილზე რამდენიმე კუპიურის დიზაინი მნიშვნელოვნად განახლდა. ეროვნულმა ბანკმა 20, 50 და 100 ლარიანი კუპიურების განახლებული ბანკნოტები წარმოადგინა. როგორც ეროვნული ბანკის პრეზიდენტმა განაცხადა ახალი ბანკნოტები ეტაპობრივად იქნება მიმოქცევში ჩაშვებული წინა ემისიების ბანკნოტებთან ერთად. ახალი ბანკნოტების დიზანის ავტორი ბაჩანა მალაზონიაა. ბანკნოტების ექსკიზების სრულყოფის პროცესში მსოფლიოში წამყვანი კომპანიები ინგლისიდან, საფრანგეთიდან და გერმანიიდან მონაწილეობდნენ.