ერევნის ცენტრში, პარლამენტის შენობის წინ შეკრებილი დემონსტრანტები, რომლებიც ნიკოლ ფაშინიანს მოალატეს უწოდებენ ყარაბაღის კონფლიქტთან დაკავშირებული მისი პასიურობის გამო, შენობაში შეჭრას ცდილობენ.
შენობასთან მობილიზებულია სპეცრაზმი, დაიწყო სეტაკება დემონსტრანტებსა და ძალოვნებს შორის, რასაც ხმოვანი ყუმბარების აფეთქება მოჰყვა. პარლამენტის შენობის სახურავზე სნაიპერები არიან განთავსებული.
პარალელურად, ფაშინიანის მომხრეები, რომლებიც მიიჩნევენ, რომ ყარაბაღის კონფლიქტის განახლება რუსეთის მიერაა ინსპირირებული, რუსეთის საელჩოს შენობასთან შეიკრიბნენ და ყარაბაღის წინააღმდეგ აგრესიის შეწყვეტას მოითხოვენ.
აზერბაიჯანის თავდაცვის სამინისტრო სომხეთის შეიარაღებული ძალების იმ სამხედრო მოსამსახუეებს, რომლებიც ყარაბაღში იმყოფებიან, იარაღის დაყრისა და დანებებისკენ მოუწოდებს, თავის მხრივ, ნიკოლ ფაშინიანი აცხადებს, რომ მთიან ყარაბაღში არ არიან წარმოდგენილი სომხეთის შეიარაღებული ძალები.
თურქეთის პრეზიდენტმა რეჯებ ტაიპ ერდოღანმა, გაეროს გენენსამბლეაზე სიტყვით გამოსვლის დროს განაცხადა, რომ ერევნისგან პირობის შესრულებას ელოდება: “ველოდებით ერევნის მიერ დადებული პირობის შესრულებას და ზანგეზურის დერეფნის გახსნას”, – თქვა ერდოღანმა.