აფხაზური მედიის ცნობით, გუშინ, დილის შვიდის ნახევარზე გაგრის თავზე გადმომდგარ მთაზე დამონტაჟებული რეზერვუარის კედელი გაინგრა და მასში დაგროვილი 3,5 ათასი კუბური მეტრი წყალი ქალაქის რამდენიმე ქუჩაში, ძირითადად აფსხა ლეონის ქუჩაში შევარდა. მთიდან დაქანებულმა ნიაღვარმა წალეკა ყველაფერი, რაც გზად დახვდა, დაამსხვრია მანქანები, გადატეხა ხეები, წყლით დაიტბორა ათობით სახლის პირველი სართულები და სარდაფები. საბედნიეროდ, მძინარე ქალაქში გარეთ არავინ აღმოჩენილა და მსხვერპლი არ არის. გუშინვე დაიწყო გაწმენდითი სამუშაოები, აღდგა მოძრობა რკინიგზაზე, რომელიც შლმსა და ჩამონამზღვლევს ჰქონდა დაფარული.
აღდგენილია ელექტრომომარაგება, რასაც ვერ ვტყვით წყალმომარაგებაზე. ამ ეტაპზე დაწყებულია ავარიის შედეგად დაზიანებული რეზერვუარის აღდგენა