თემირლან მაჩალიკაშვილის ცხედარი გუშინ, გვიან საღამოს პანკისის ხეობის სოფელ დუისში ჩაასვენეს. მაჩალიკაშვილების ოჯახს ადგილობრივები უსამძიმრებენ.
გარდაცვლილის ცხედარს თბილისში, სამხარაულის სახელობის ექსპერტიზის ბიუროში გუშინ ექსპერტიზა 4 საათის განმავლობაში უტარდებოდა.
19 წლის თემირლან მაჩალიკაშვილი 2017 წლის 26 დეკემბერს, სუს-ის მიერ პანკისში ჩატარებული სპეცოპერაციისას თავის არეში დაიჭრა. იგი თბილისში წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში მკურნალობდა. მაჩალიკაშვილი გუშინ დილით გარდაიცვალა.