ავიაკომპანია Wizz Air-ი ვენის აეროპორტში ახალ ავიაბაზას ხსნის და 17 ახალ რეისს ამატებს. რეისებს შორის არის ვენა-ქუთაისის პირდაპირი ფრენებიც. ამის შესახებ კომპანიამ Facebook-ზე დაწერა.
რეისები ასევე შესრულდება ვენიდან ბარის, ბერგენის, ბილუნდის, დორტმუნდის, გდანსკის, ლარნაკის, მალტის, ოჰრიდის, რომის, თელ-ავივის, ტუზლის, ტენერიფის, სალონიკის, ვალენსიისა და ვარნის მიმართულებით.
ბილეთების გაყიდვა უკვე დაწყებულია და ფასი 19,99 ევროდან იწყება.
