მესტიის მუნიციპალიტეტში საკრებულოს წევრის ლომარ ნიგურიანის მკვლელობის გამო, საახალწლო ღონისძიებები 7 იანვრამდე გადაიდო. როგორც „ინტერპრესნიუსს“ მერის მოადგილე ნელი ნავერიანმა განუცხადა, მესტიაში დატრიალებული ტრაგედიის გამო, 31 დეკემბერს საახალწლო კონცერტი და მარხილით ტრადიციული მსვლელობა არ გაიმართება.
„ეს გადაწყვეტილება მერმა მიიღო და ვფიქრობ, რომ სწორია. დიდი ტრაგედია მოხდა საკრებულოს წევრი დაიღუპა და არ არის სწორი ახლა ზეიმის მოწყობა. 31 დეკემბერს დაგეგმილი ღონისძიება, შვიდ იანვრამდე გადაიდო. რაც შეეხება უდედმამო ბავშვებს, 100 წელს გადაცილებულ ადამიანებსა და შშმ პირებს, მათი საახალწლო მილოცვა და დასაჩუქრება არ გადაგვიდია“, – განაცხადა ნავერიანმა.
აღნიშნული გადაწყვეტილება მერმა კაპიტონ ჟორჟოლიანმა მიიღო.
შეგახსენებთ, რომ საახალწლო ღონისძიება გადაიდო ასევე მარტვილში, გაზის გაჟონვის შედეგად 21 წლის სალომე გალდავას გარდაცვალების გამო