ჟენევაში საერთაშორისო მოლაპარაკებების მორიგი რაუნდი გაიმართება. მონაწილე მხარეებმა შეხვედრის დღის წესრიგი თანათავმჯდომარეებთან და პარტნიორებთან უკვე შეათანხმეს.ცენტრალური ხელისუფლების წარმომადგენელთა განცხადებით, შეხვედრაზე საუბარი შეეხება ოკუპირებულ ტერიტორიებზე უსაფრთხოების და გამალებული მილიტარიზაციის, ასევე უკანონო ბორდერიზაციის საკითხს.დღის წესრიგში რჩება 2016 წელს მოკლული გიგა ოთხოზორიას მკვლელის რაშიდ კანჯი-ოლღის დაკავებისა და გადმოცემის საკითხიც.„ჰუმანიტარულ საკითხებზე მომუშავე ჯგუფში განხილული იქნება ოკუპირებულ ტერიტორიებზე განსაკუთრებით გალისა და ახალგორის ტერიტორიებზე არსებული მდგომარეობა – თავისუფალი გადაადგილების და განათლების შეზღუდვის, ქართული სკოლების დახურვის და იძულებით ე.წ. პასპორტიზაციის პროცესის საკითხები“, – განუცხადა პირველ არხს შერიგებისა და სამოქალაქო თანასწორობის საკითხებში სახელმწიფო მინისტრის პირველმა მოადგილე ლაშა დარსალიამ.რუსული მედიის ინფორმაციით კი ოკუპირებული ცხინვალის რეგიონის დე ფაქტო ხელისუფლების წარმომადგენელი მურატ ჯიოევი იმედოვნებს, რომ მოლაპარაკებების ფარგლებში, მოხერხდება ძალის გამოუყენებლობის შესახებ ერთობლივი განცხადების მიღება, რომელშიც მისი განმარტებით, მთავარი პასუხისმგებლობა საქართველომ უნდა აიღოს და არა რუსეთმა.„ქართული მხარე, ყველანაირად ცდილობს, ასახოს ტექსტში ისეთი პოზიციები, რაც სხვა მონაწილეებისთვის მიუღებელია. მაგალითად, „უსაფრთხოების საერთაშორისო ზომებთან“ დაკავშირებით , რაც მათი გაგებით ნიშნავს რაღაც მესამე საერთაშორისო ძალას ჩვენს რეგიონში“,- აცხადებს ჯიოევი.რუსული მედიის განმარტებით, ძალის გამოუყენებლობის შესახებ შეთანხმების დადებას მოსკოვი, ოკუპირებული აფხაზეთი და ცხინვალი ოფიციალურ თბილისთან ითხოვს, საქართველოს ცენტრალური ხელისუფლება კი აღნიშნულ საკითხზე პასუხისმგებლობას რუსეთს აკისრებს.
სიახლეები
სიახლეები
ბათუმის ბოტანიკური ბაღის შესასვლელთან მატარებელი ახალგაზრდა ქალს დაეჯახა
ბათუმის ბოტანიკური ბაღის შესასვლელთან მატარებელი ახალგაზრდა ქალს დაეჯახა ინფორმაციას გამოცემა ბათუმელები ავრცელებს და წერს,...
სიახლეები
გომის მთაზე მომხდარი ავარიის საქმეზე მიკროავტობუსის მძღოლი დააკავეს
გომის მთაზე მომხდარი ავტოსაგზაო შემთხვევის საქმეზე, რომელსაც 4 ადამიანი ემსხვერპლა და 17 დაშავდა, მიკროავტობუსის...
სიახლეები
სააპელაციო სასამართლომ იოსებ სიგუას შემაკავებელი ორდერი გაუუქმა
სააპელაციო სასამართლომ პოლიციის ყოფილი მაღალჩინოსნის, შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი...
საზოგადოება
გურამ დადიანიძის დედა დაცემენტებული ჭის შესწავლას ითხოვს
საგამოძიებო მოქმედებების მეოთხე დღე სოფელ მლეთაში. დილიდან ტრაქტორები და მძიმე ტექნიკა მუშაობს იმ ადგილას,...