რუსმა მესაზღვრეებმა ოკუპირებული აფხაზეთისა და სამეგრელოს ე.წ. ადმინისტრაციულ საზღვართან სოფელ თაგილონში რეპორტაჟის მოსამზადებლად ჩასული სამი ჟურნალისტი დააკავეს. დაკავებულები საინფორმაციო სააგენტო sukhum-moscow.ru – ს ჟურნალისტები არიან. როგორც ამ ფაქტის თვითმხილველები – გალის რაიონის სოფელ თაგილონის მცხოვრებლები აცხადებენ, რუსმა მესაზღვრეებმა ისინი ე.წ. საზღვრის უკანონო გადაკვეთისთვის დააკავეს და ერთ საათზე მეტხანს ამყოფეს რუსეთის სამხედრო ბაზაზე. ადგილობრივებმა დაკავებულთა შორის სოხუმელი ჟურნალისტი მანანა გოგოხია შეიცნეს. ამ დროისათვის ვრცელდება ინფორმაცია, რომ დაკავებული ჟურნალისტები გაათავისუფლეს.
.