21-22 მაისს რიგაში აღმოსავლეთ პარტნიორობის რიგით მეოთხე სამიტი გაიმართება.
სამიტზე იმსჯელებენ სამეზობლო პოლიტიკისმომავალზე, განიხილება აღმოსავლეთ პარტნიორობის 6 სახელმწიფოს მიმართ დიფერენცირებული პოლიტიკის შემუშავების საჭიროება, იმის გათვალისწინებით, რომ ეს ქვეყნები ევროკავშირთან ინტეგრაციის მიმართულებით სხვადასხვა საფეხურზე არიან, მათ შორის, საქართველოს, მოლდოვასა და უკრაინას გაფორმებული აქვთ ევროკავშირთან ასოცირების შეთანხმებები.
სამიტზე კიდევ ერთხელ დადგება უკრაინის კრიზისისა და რეგიონში მიმდინარე სხვა ისეთი კონფლიქტების მშვიდობიანი გადაწყვეტის აუცილებლობა, როგორიცაა დნესტრისპირეთში, მთიან ყარაბაღში, საქართველოს რეგიონებში– აფხაზეთსა და ცხინვალის რეგიონშიარსებულისიტუაცია.
აგრეთვე აღმოსავლეთ პარტნიორობის მონაწილე ქვეყნების პროგრესი ვიზალიბერალიზაციისა და ვიზაფასილიტაციის მიმართულებით. საუბარი შეეხება ურთიერთობებს ვაჭრობის, უსაფრთხოებისა და ენერგოუსაფრთხოების საკითხებში.
რიგის სამიტზე საქართველოს დელეგაციას პრემიერ-მინისტრი ირაკლი ღარიბაშვილი უხელმძღვანელებს.