დაჭრილი მოზარდის მდგომარეობა უკიდურესად მძიმეა- ექიმი

გუშინ ხორავას ქუჩაზე დაჭრილი მოზარდის მდგომარეობას კრიტიკულად აფასებს რესპუბლიკური საავადმყოფოს ქირურგი დავით ლოლაძე. ექიმის ინფორმაციით, პაციენტის სასიცოცხლო მაჩვენებლების შენარჩუნება მისი შემოყვანიდან ამ დრომდე მიმდინარეობს."პაციენტის მდგომარეობა არის უკიდურესად მძიმე. არასტაბილური ჰემოდინამიკაა. შემოსვლიდან ამ დრომდე მიმდინარეობს მისი სასიცოცხლო ჩვენებების შენარჩუნება. ამისთვის ტარდება რეანიმაციული ღონისძიებები. პაციენტს გაუკეთდა სამი ოპერაცია, სამი სხვადასხვა მიდამოს ოპერაცია: ბარძაყის მიდამოზე იმუშავეს სისხლძარღვთა ქირურგებმა, მუცლის ღრუსა და გულ-მკერდზე ზოგადმა ქირურგებმა. არასტაბილურობას განაპირობებს ის, რომ პაციენტს ჰქონდა სისხლის უდიდესი დანაკარგი, შემოსვლიდან ამ წუთის ჩათვლით მიმდინარეობს სისხლის კომპონენტების მუდმივი დიფუზია, გადასხმა, რის მიუხედავადაც სისხლდენის ზოგადი შედედება არ ხდება და სისხლდენის შეჩერება ამის გამო ვერ ხერხდება. არის არასტაბილური ჰემოდინამიკური მაჩვენებელი, უმძიმესი მდგომარეობით", – განაცხადა დავით ლოლაძემ.გუშინ ხორავას ქუჩაზე ორი მოზარდი დაჭრეს, მათგან ერთი რესპუბლიკურ საავადმყოფოში გადაიყვანეს, ხოლო მეორე საავადმყოფოში მიყვანამდე გარდაიცვალა.

დაჭრილი მოზარდის მდგომარეობა უკიდურესად მძიმეა- ექიმი

სიახლეები

თბილისში არასრულწლოვანმა ერთი პირი დაჭრა

სუს-ი- დაკავებულია პირი, რომელიც ბირთვული მასალა „ურან-238“-ის გაყიდვას 700 000 დოლარად გეგმავდა

თამაზ ელიზბარაშვილი საპროცესო შეთანხმების გაფორმებას ითხოვს

ევროპარლამენტში დღეს საქართველოს საკითხზე დებატები გაიმართება