მთავარისიახლეებიმსოფლიოლიმანი ალყაშია, დნეპრი და მიკოლაევი დაიბომბა - რა უნდა ვიცოდეთ ომის 219-ე...

ლიმანი ალყაშია, დნეპრი და მიკოლაევი დაიბომბა – რა უნდა ვიცოდეთ ომის 219-ე დილას

Published on

1993 წლის 30 სექტემბერს რუსეთმა საქართველოს ნაწილის ოკუპაცია მოახდინა, ხოლო 2022 წლის 30 სექტემბერს უკრაინის ორი რეგიონის “დამოუკიდებლობა” აღიარა:

ვლ. პუტინმა წუხელ ხელი მოაწერა დადგენილებას, რომლის თანახმადაც ზაპოროჟიესა დს ხერსონის ოლქები დამოუკიდებელ სახელმწიფოებად ცნეს, ხოლო დღეს, მოსკოვის დროით 15:00-ზე, რუსეთის პრეზიდენტი “საზეიმოდ” გამოაცხადებს დონეცკისა და ლუგანსკის ე.წ. რესპუბლიკების რუსეთის შემადგენლობაში შესვლას. 

ამასობაში კი ლიმანში მყოფი რუსული შენაერთები სრულ ოპერატიულ ალყაშია, უკან დასახევი გზა მოჭრილია.

ინფორმაციას აშშ ომის შემსწავლელი ინსტიტუტი ადასტურებს. ISW წერს, რომ ალყა შედგა.  

დასახლება სტავოკთან უკრაინელებმა დაცვის ხაზი გაარღვიეს და გადაჭრეს ტორსკოე-დრობიშევოს დამაკავშირებელი გზა, რომელიც ლიმანის დასავლეთიდან ერთადერთი გზა იყო მომარაგებისა და უკანდახევისთვის.

ZSU-მ ასევე, გადაჭრა სვატოვო-ლიმანის გზა, რომელიც მნიშვნელოვანი იყო რუსეთისთვის, უშუალოდ ლიმანში მყოფ რუსულ შენაერთებთან დასაკავშირებლად და მათ მხარდასაჭერად.

ქალაქ დნეპრში, ოკუპანტების მიერ ღამით განხორციელებული დაბომბვის შედეგად, სამოქალაქო ავტობუსების სადგომზე 100 ავტობუსი დაიწვა. ამას გარდა, რაკეტა საცხოვრებელ კვარტალშიც ჩამოვარდა, არიან დაღუპულები და დაჭრილები. ღამის განმავლობაში 5 დრონი-კამიკაძე მიკოლაევის, 2 კი ოდესის ოლქებს უტევდა. 

ამერიკის სენატმა მხარი დაუჭირა უკრაინისთვის $ 12.35 მილიარდი დოლარის გამოყოფას, სადაც $7.8 მილიარდი დოლარი უკრაინის შეიარაღებული ძალებისთვის სამხედრო დახმარების გაწევას მოხმარდება.

ბელარუსის თავდაცვის სამინისტრომ განაცხადა, რომ ამ ეტაპზე ქვეყანაში მობილიზაცია არ ტარდება და რომ ყველა სამხედრო შეკრება გეგმიურ ხასიათს ატარებს.

მიხეილ ლაზუტინი – კრემლის მიერ დაფინანსებული და წახალისებული ბლოგერი, უკრაინაში რუსეთის არმიის ბარბაროსული მოქმედებების აქტიური მხარდამჭერი , საქართველოშია, მან საზღვარი ზემო ლარსიდან გადმოკვეთა. ლაზუტინი თავადაც მოძალადეა და ამას არც მალავს: ის ჰიფსტერებს ქუჩაში სცემდა, იღებდა და ვიდეოს ინტერნეტში აქვეყნებდა.

რუსეთი ბირთვულ იარაღს მოულოდნელად ვერ გამოიყენებს იმის გამო, რომ აშშ-მა გააძლიერა ბირთვულ იარაღზე სადაზვერვო თვალთვალი, ხოლო NATO-ს წევრმა ქვეყნებმა რუსეთი გააფრთხილეს, რომ ბირთვული იარაღის გადაადგილების შემჩნევვისთანავე, სასტარტო პოზიციამდე, ბირთვული ბადრაგის კოლონა განდგურდება.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...