ვოლოდიმირ ზელენსკიმ, ტრადიციულ ვიდეომიმართვაში რუსეთის მოქალაქეებსა და რუს ჯარისკაცებს მიმართა.
“თუ სიცოცხლე გინდათ, თქვენი თავისუფლებისთვის თქვენსავე ქუჩებში იბრძოლეთ. თქვენ ისედაც ყველაფერი წაგართვეს. იქნებ თქვენგან რომელიმეს ნავთობმომპოვებელი კოშკურები აქვს? იქნებ სასახლეები და იახტები გაქვთ? ან იქნებ, ბანკი?
არა, თქვენ მხოლოდ კრედიტები გაქვთ, საღამოხანს – სახრავი და ახლა – მობილიზაციაც.
იბრძოლეთ ყველაფრისთვის! ნუ მოძვრებით ჩვენს მიწაზე, ჩვენს სულებში და ჩვენს კულტურაში!..” – თქვა უკრაინის პრეზიდენტმა ტრადიციულ, საღამოს ვიდეომიმართვაში.
ზელენსკი მობილიზებულთა საკითხსაც შეეხო და მათ, ვინც უკრაინისკენ იარაღით ხელში მოდის, მარტივი რჩევა მისცა: “გინდათ სიცოცხლე? გაიქეცით! სიცოცხლე გინდათ? ჩაბარდით ტყვედ!”.