ფინანსთა სამინისტროს ცნობით, საქართველოში თამბაქოს მოხმარება შემცირდა. ამის შესახებ 2018 წლის ბიუჯეტის გადამუშავებულ პროექტში წერია, რომელშიც ფინანსთა სამინისტრო 2017 წელს სიგარეტის აქციზიდან საპროგნოზო შემოსავლების მიზეზებს განმარტავს. სწორედ აქციზის განაკვეთების ცვლილებამ განაპირობა წელს საქართველოში თამბაქოს მოხმარების შემცირება. ინფორმაციას 1tv ავრცელებს.უწყების ცნობით, 2016 წლის იანვარ-აგვისტოში სულ რეალიზებული იყო 5,8 მილიარდი ღერი სიგარეტი, ხოლო 2017 წლის იანვარ-აგვისტოში რეალიზებულია 4,9 მილიარდი ღერი სიგარეტი. თამბაქოს მოხმარება მიმდინარე წელს (8 თვის მონაცემებით) შემცირებულია 900 მილიონი ღერით, ანუ მოხმარება 15.5%-ით შემცირდა. ბიუჯეტის შესრულების 9 თვის ანგარიშის მიხედვით, აქციზის გადასახადიდან შემოსავლების გეგმა 87,3%-ით შესრულდა და დაგეგმილ მაჩვენებელს (1,199 მლრდ ლარი) 152 მილიონი ლარი დააკლდა.2018 წლის ბიუჯეტის გადამუშავებული ვარიანტით რამდენიმე სამინისტროს დაფინანსება იზრდება. მთავრობამ პარლამენტს 2018 წლის ბიუჯეტის გადამუშავებული ვარიანტი წარუდგინა. 2018 წლის პირველი მაისიდან იკრძალება მოწევა დახურულ სივრცეში, გამონაკლისია კერძო ბინა/სახლი, სასჯელაღსრულების დაწესებულება, სამორინე და ფსიქიატრიული დაწესებულება. აკრძალვა ეხება ელექტრონულ სიგარეტსაც და ჩილიმსაც. იკრძალება მოწევის და მოხმარების ფორმების დემონსტრირება მასობრივი ინფორმაციის საშუალებით. იკრძალება თამბაქოს მოხმარება სტადიონზე, რომელსაც ჰყავს ადმინისტრაცია. იკრძალება თამბაქოს დადება ვიტრინებზე, ვიტრაჟებზე, დახლზე, თაროზე, ნებისმიერი სახით, იმგვარად, რომ გარედან ჩანდეს.
ფინანსთა სამინისტროს ცნობით, საქართველოში თამბაქოს მოხმარება შემცირდა.
სიახლეები
საზოგადოება
საქართველოს მოქალაქეებს კვლავ ემუქრება დაკავება ფუნდამენტური უფლებებით სარგებლობის გამო – EU
საქართველოს მოქალაქეებს კვლავ ემუქრება დაკავება ფუნდამენტური უფლებებით სარგებლობის გამო - ნათქვამია საქართველოში ევროკავშირის წარმომადგენლობის...
საზოგადოება
ზურაბიშვილი გაფიცულ მოქალაქეებს შეუერთდა
პრეზიდენტი სალომე ზურაბიშვილი საყოველთაო, გამაფრთხილებელ გაფიცვას შეუერთდა.
"ჩემი პოზიცია არის, რომ პრეზიდენტი არასდროს იფიცება, იმიტომ...
საზოგადოება
საკრებულოს ფრაქცია ,,ქართული ოცნების” თავმჯდომარის მოადგილე თაზო ფაცაცია შშმ პირს მუქარის მესიჯს უგზავნის
ბაჩუკის,(ასე იცნობს მას ყველა) რომელიც შშმ პირია და ზუგდიდში აქციებზე დგას, ზუგდიდის მუნიციპალიტეტის საკრებულოს...
საზოგადოება
ძალიან მეტკინა ამ კაცს ასე რომ მოექცნენ – მაჩალიკაშვილი გახარიაზე თავდასხმაზე
პანკისის ხეობაში სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი პარტია "საქართველოსთვის" ლიდერზე, გიორგი...