თამაზ მეჭიაური თიანეთის მერიაში კონკრეტული გეგმებით მოდის და არც საკადრო ცვლილებებს გამორიცხავს

თიანეთის მერობის დამოუკიდებელი კანდიდატი, რომელიც თბილისის სააპელაციო სასამართლომ გამარჯვებულად გამოაცხადა, თიანეთის მერიაში საკადრო ცვლილებებს არ გამორიცხავს. ”გადავხედავ სიტუაციას. არ ვამბობ იმას, რომ ყველას შევცვლი, მაგრამ გარკვეული ცვლილებები იქნება. მისახედია განათლება, სკოლამდელი აღზრდა. არ ვამბობ, რომ ყველაფერი დაქცეულია, მაგრამ თუ რამეს სჭირდება ცვლილება, რა თქმა უნდა სასწრაფოდ დავიწყებ მუშაობას. გადავხედავ ბიუჯეტს, თუ რა მდგომარეობაა, რის შესაძლებელობა მექნება დარჩენილ 2 თვეში. როგორც გაგვწვდება საბანი, ისე უნდა გავიწვდინოთ. პარალელურად, მომავალი წლის ბიუჯეტზეც ვიმუშავებთ. რაღაც ახირება არ მაქვს. საკადრო ცვლილებები ბუნებრივი პროცესია, მაგრამ ეს არ უნდა იყოს რაღაც ახირებებზე დაფუძნებული. არავის პოლიტიკური ვალი არ მაქვს და დამსახურებებით იქნება ყველაფერი. რა თქმა უნდა ის პირები ვერ იმუშავებენ, რომლებიც წინასაარჩევნო კამპანიით იყვნენ დაკავებულები მთელი ეს პერიოდი, მიტოვებული ჰქონდათ მათი ძირითადი საქმიანობა და სფეროები პარალიზებული იყო”, – განაცხადა მეჭიაურმა. ჟურნალისტების კითხვაზე, რა არის თიანეთის ყველაზე დიდი პრობლემა, მეჭიაურმა აღნიშნა, რომ ეს არის უსამართლობა.”თიანეთში კი არა ყველგან დიდი პრობლემა არის უსამართლობა. სამართლიანობა უნდა იყოს. ჩემი ყველა გადაწყვეტილება იქნება მაქსიმუმ სამართლიანი. რა თქმა უნდა ყველაფერს ვერ გავაკეთებთ, მაგრამ ყველა ნაბიჯს ექნება ახსნა ხალხის ინტერესებიდან გამომდინარე”, – განაცხადა მეჭიაურმა.

თამაზ მეჭიაური თიანეთის მერიაში კონკრეტული გეგმებით მოდის და არც საკადრო ცვლილებებს გამორიცხავს

სიახლეები

დააკავეს ფაშისტური იდეოლოგიის ჯგუფის 13 წევრი – 7 არასრულწლოვანია

ზელენსკი- კიევი აღდგომის პერიოდში ცეცხლის შეწყვეტისთვის მზადაა, თუ ამას რუსეთიც გააკეთებს

სემეკმა დაბალანსებული გადაწყვეტილება მიიღო – ნარმანია დენის ტარიფის გაძვირებაზე

დავით გაბაიძემ აჭარის უმაღლესი საბჭოს თავმჯდომარის პოსტი დატოვა