მთავარისიახლეებირუსეთმა დაიწყო "აზოვსტალში" დაღუპული მებრძოლების ცხედრების უკრაინისთვის გადაცემა - AP

რუსეთმა დაიწყო “აზოვსტალში” დაღუპული მებრძოლების ცხედრების უკრაინისთვის გადაცემა – AP

Published on

რუსეთი იწყებს “აზოვსტალის” ფოლადის ქარხანაში დაღუპილი მებრძოლთა ცხედრების უკრაინული მხარისთვის გადაცემას – ამის შესახებ ინფორმაციას Associated Press ავრცელებს.

გამოცემის ცნობით, “აზოვსტალის” ფოლადის ქარხანაში დაღუპული ათობით უკრაინელი მებრძოლის ცხედარი, რუსმა ოკუპანტებმა უკრაინას უკვე გადასცა.

დაბომბილი ქარხნის ნანგრევებიდან ამოსვენებული ცხედრები უკრაინის დედაქალაქში, კიევში გადაასვენეს, სადაც მიმდინარეობს დნმ-ის ტესტირება მათი იდენტიფიცირებისთვის.

შეგახსენებთ, რომ აზოვის პოლკი იმ უკრაინულ ქვედანაყოფებს შორის იყო, რომლებიც თითქმის სამი თვის განმავლობაში იცავდნენ ფოლადის ქარხანას, სანამ მაისში რუსეთში ევაკუაციას დათანხმდებოდნენ, ხმელეთიდან, ზღვიდან და ჰაერიდან დაუნდობელი თავდასხმების ფონზე.

ამ დროისთვის, გაურკვეველია, რამდენი ცხედარი შეიძლება იყოს ქარხანაში.

მანამდე აზოვის პოლკის სპიკერმა, ანა გოლოვკომ განაცხადა, რომ რუსების მიერ გადაცემული 160 უკრაინელი ცხედარი აზოვსტალის ნანგრევებიდან იყო. მისი თქმით, ამ ცხედრებიდან სულ მცირე 52 აზოვის პოლკის ჯარისკაცები იყვნენ.

უკრაინელი მებრძოლების მიერ ფოლადის ქარხნის მტკიცე დაცვამ ჩაშალა კრემლის მიზანი, სწრაფად დაეპყრო მარიუპოლი და დიდხანს შეაყოვნა რუსული ძალები სტრატეგიულ საპორტო ქალაქში.

რაც შეეხება გადარჩენილ მებრძოლებს, პრეზიდენტმა, ვოლოდიმირ ზელენსკიმ თქვა, რომ ქარხნის 2500-ზე მეტი მებრძოლი პატიმრობაში იმყოფება და უკრაინა მუშაობს მათ გასათავისუფლებლად.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...