მთავარისიახლეებიარახამია EU-ს და აშშ-ს მოუწოდებს, ივანიშვილის მიმართ სანქციები განიხილონ

არახამია EU-ს და აშშ-ს მოუწოდებს, ივანიშვილის მიმართ სანქციები განიხილონ

Published on

უკრაინის უმაღლესი რადას ფრაქცია „ხალხის მსახურის“ თავმჯდომარე დავით არახამია ევროკავშირისა და აშშ-ს მოუწოდებს, ბიძინა ივანიშვილსა და მისი ბიზნესაქტივებისთვის სანქციების დაწესება განიხილონ.

როგორც არახამია Telegram-ზე წერს, საქართველოს მთავრობის მთელი პოლიტიკა კრემლის მითითებების შესრულებაა.

მისივე თქმით, ბიძინა ივანიშვილი ქართველი იანუკოვიჩი გახდა.

„უკრაინელები და ქართველები ყოველთვის იყვნენ და იქნებიან მოძმე ერები. ქართველები ომში უკრაინისთვის იბრძვიან, ცნობილმა ქართველებმა 24 თებერვლამდე, ჩვენი მხარდამჭერი ვიდეო გადაიღეს. ისინი მხარს უჭერენ უკრაინას და ჩვენს გამარჯვებას ომში, მაგრამ ასე არ იქცევა საქართველოს ხელისუფლება. მიზეზი კი ძალიან მარტივია – მთავარი ქართველი ოლიგარქი, ბიძინა ივანიშვილი მჭიდროდ არის დაკავშირებული რუსეთის პოლიტიკურ ელიტასთან. ამ კავშირს ადასტურებს ახლახან გავრცელებული ივანიშვილის ვიდეოჩანაწერი. საქართველოს მთავრობის მთელი პოლიტიკა კრემლის მითითებების შესრულებაა.

აქედან გამომდინარეობს მთელი ეს რიტორიკა, რუსეთის აგრესორად არაღიარება, რუსეთის დახმარების მცდელობა სანქციების გვერდის ავლაში და ა.შ. დღეს ივანიშვილი ქართველი იანუკოვიჩი გახდა. ის და მისი ხალხი უკრაინის მიმართ ატარებენ პოლიტიკას, რომელსაც ქართველი ხალხი მხარს არ უჭერს. მათ უნდათ ქართველებისა და უკრაინელების დაპირისპირება.

ამის თავიდან ასაცილებლად მივმართავ ევროკავშირისა და აშშ-ის ხელმძღვანელობას, განიხილონ ივანიშვილზე და მის ბიზნესაქტივებზე სანქციების დაწესება. პასუხისმგებლობას არავინ გაექცევა. არც ოკუპანტები და არც ისინი, ვინც მათ ეხმარებიან“, – წერს დავით არახამია.

ინტერნეტში ვრცელდება აუდიოჩანაწერები სადაც, სავარაუდოდ, ბიძინა ივანიშვილსა და რუს სანქცირებულ ოლიგარქს, ვლადიმერ ევტუშენკოვს შორის საუბარი ისმის.

ჩანაწერში, სავარაუდოდ, ევტუშენკოვი ივანიშვილს სთხოვს სანქციების გვერდის ავლით მოქმედებას, თუ მასაც აქვს ამის სურვილი. ისმის სახელები და გვარები – მათ შორის ახსენებენ სანქცირებული რუსი ოლიგარქის კომპანიაში ვიცე-პრეზიდენტის ალი უზდენოვის ვიზიტს საქართველოში.

ჩანაწერში, სავარაუდოდ ივანიშვილი ევტუშენკოვს ეუბნება, რომ სიტუაცია არცისე სასიხარულოა, “მაგრამ უნდა გავმაგრდეთ”. ამაზე პასუხად, სავარაუდოდ ევტუშენკოვი ამბობს, რომ აქვს იდეა და “დავითი ჩამოიტანს”.

სიახლეები

“სიტყვები საკმარისი არ არის, ჩადით საქართველოში, მოითხოვეთ სამართლიანი და თავისუფალი არჩევნები”-მიხაელ როთი კაია კალასს

"გმადლობთ, ძვირფასო კაია კალას, მაგრამ სიტყვები საკმარისი არ არის. ჩადით საქართველოში! გაამხნევეთ ის ადამიანები,...

“ვითხოვთ მზია ამაღლობელის და ყველა პოლიტპატიმრის გათავისუფლებას” -დასავლელი პოლიტიკოსების ერთობლივი განცხადება

"დღეს საქართველოს მეგობრების დიდ ჯგუფთან ერთად ვავრცელებთ განცხადებას, მზია ამაღლობელის დაუყოვნებლივ გათავისუფლების და გადამწყვეტი...

“აგენტებო და ფულზე გაყიდულებო!”-გენო პეტრიაშვილი დღევანდელი აქციის მონაწილეებს

ივანიშვილის "დეპუტატი" გენო პეტრიაშვილი "აგენტებს" და "ფულზე გაყიდულებს" უწოდებს იმ ადამიანებს, რომლებიც დღეს პარლამენტთან...

ბლოგერ უჩა აბაშიძეს 5, მარიამ იაშვილს კი 4 წლით თავისუფლების აღკვეთა მიესაჯათ

ბლოგერი უჩა აბაშიძე და მისი მეუღლე მარიამ იაშვილი სასამართლომ დამნაშავედ ცნო. „ინტერპრესნიუსის“ ინფორმაციით, მოსამართლე...