რუსთავი 2-ის გარშემო მიმდინარე მოვლენებთან დაკავშირებით  საქართველოში NATO-ს სამეკავშირეო ოფისის ხელმძღვანელი უილიამ ლაჰიუ აცხადებს, რომ  მნიშვნელოვანია პროცესები სამართლიანად და გამჭვირვალედ წარიმართოს და მედიის თავისუფლება არ შეიზღუდოს.

"ეს ძალიან რთული სამართლებრივი საქმეა. მნიშვნელოვანია, რომ ყველა მხარემ სცეს პატივი სამართლებრივ პროცესს, რომელიც უნდა იყოს გამჭვირვალე, რათა სამართლიანად გადაწყდეს რუსთავი 2-ის მფლობელობის საკითხი. ეს ადვილი არ არის, თუმცა, უკიდურესად მნიშვნელოვანია, რომ მედია დარჩეს თავისუფალი, ღია და გამჭვირვალე და საქართველოს ყველა მოქალაქე პატივს სცემდეს მას, როგორც ქვეყნის დემოკრატიის სასიცოცხლოდ მნიშვნელოვან კომპონენტს.

საერთაშორისო ორგანიზაციები, NATO-ს ჩათვლის, ყურადღებით აკვირდებიან განვითარებულ მოვლენებს. მნიშვნელოვანია, რომ პროცესს თვალყურს ადევნებენ არასამთავრობო ორგანიზაციები. ეს არის საქართველოს NATO-სა და ევროკავშირისკენ მიმავალი გზის ნაწილი. ჩვენ ვცდილობთ, ამ ყველაფერს დაბალანსებული და სამართლიანი სივრციდან დავაკვირდეთ და იმედი გვაქვს, სამართლიანობა ამ პროცესში უპირატეს მდგომარეობაში იქნება", – თქვა უილიამ ლაჰიუმ.