„მედიატორის“ 2017 წლის კვლევის შედეგებს აქვეყნებს.
ანგარიშის თანახმად, შერიგების საკითხებში სახელმწიფო მინისტრი ქეთევან ციხელაშვილი საქართველოს მთავრობის ყველაზე მდიდარი მინისტრების სამეულში შედის. ფინანსური თვალსაზრისით მყარად დგას ფეხზე მისი მეუღლე არმინ ჰუტენლოხერიც, როელიც კომპანია "რეს-საზოგადოებრივი და კორპორატიული ურთიერთობები" 100%-ის მფლობელია და მნიშვნელოვან შემოსავლებს იღებს საქართველოს მთავრობისაგან ლობისტური საქმიანობისთვის.
საკმარისია ითქვას, რომ 2016 წელს ქეთევან ციხელაშვილის მეუღლის ფირმას სახელმწიფომ 100 ათასამდე ლარი გადაურიცხა, რის საფასურადაც იგი საქართველოს ხელისუფლებას გერმანიის მთავრობასთან ურთიერთობების გაუმჯობესებასა და სტრატეგიულ კომუნიკაციაში უნდა დახმარებოდა.
რა ფირმაა ეს, თვით პრემიერმინისტრის მრჩეველმა, თედო ჯაფარიძემაც არ იცის, იგი ამბობს, რომ ქეთევან ციხელაშვილის მეუღლის ფირმის საქმიანობა მისთვის უცნობია.
ოპოზიცია მინისტრის მეუღლის კომპანიის დაქირავებას და მისთვის ჰონორარის გადარიცხვას აპროტესტებს.
საქართველოს მთავრობის ლობისტებით "ნიუ იორკ თაიმსიც" დაინტერესდა.
ამერიკული გამოცემის საგამოძიებო პროექტში ბოსტონის უნივერსიტეტის პროფესორი, ბრუკი ვილიამასი მონაწილეობდა, რომელიც ამბობს, რომ მათი ყურადღება იმ თანხებმა მიიპყრო, რომელსაც საქართველოს მთავრობა ამერიკულ ლობისტურ კომპანიებზე ხარჯავს.