პენტაგონმა Raytheon-ს რაკეტებისთვის $20.7 მილიარდიანი კონტრაქტი გაუფორმა.ინფორმაციას Reuters ავრცელებს და წერს, რომ პენტაგონმა კომპანია RTX-ის შვილობილ Raytheon-ს 20.7 მილიარდი დოლარის ღირებულების წინასწარი, მრავალწლიანი კონტრაქტი გაუფორმა, რათა AMRAAM-ის რაკეტების წარმოება დააჩქაროს. სამხედრო უწყება ახლო აღმოსავლეთსა და უკრაინაში მიმდინარე კონფლიქტების გამო შემცირებული მარაგების შევსებას ცდილობს. AMRAAM-ის პერსპექტიული გარიგება არის უახლესი იმ მსხვილ კონტრაქტებს შორის, რომლებიც პენტაგონმა მიმდინარე წელს გააფორმა. ეს გარიგება პენტაგონის ინიციატივის, „თავისუფლების არსენალის“ ნაწილი იქნება. მიმდინარე წლის დასაწყისში RTX-მა განაცხადა, რომ წლიური წარმოების მიზნად მინიმუმ 1 900 ერთეულ AMRAAM-ის რაკეტას დაადგენდა.