რუსეთმა უკრაინა-მოლდოვას საზღვარზე საერთაშორისო გამშვები პუნქტი შაჰედებით დაბომბა.
„დარტყმა მოხდა მოლდოვას საზღვარზე მდებარე საერთაშორისო გამშვები პუნქტის, „ტაბაკის“ ინფრასტრუქტურაზე. დაზიანდა გამშვები პუნქტის შენობები და კონსტრუქციები. ობიექტებზე გაჩენილი ხანძრების ლოკალიზება უკრაინის საგანგებო სიტუაციების სახელმწიფო სამსახურის თანამშრომლებმა უზრუნველყვეს. ამ დროისთვის „ტაბაკის“ პუნქტის გავლით პირებისა და სატრანსპორტო საშუალებების გატარება არ ხორციელდება. შექმნილი ვითარების შესახებ ინფორმირებულია მოლდოვას მხარე. ტრანსპორტი სხვა გამშვებ პუნქტებში გადამისამართდება.“ – წერს უკრაინის სახელმწიფო სასაზღვრო სამსახური.