დიუშენის სინდრომით დაავადებული ბავშვის მშობელი, კახა წიქარიშვილი მოლაპარაკებების პროცესში წარმოქმნილ დაბრკოლებაზე წერს და ამბობს, რომ “დიუშენის წამლების შემოტანის ვადა უკვე კრიტიკულ ზღვარს უახლოვდება.“
წიქარიშვილის თქმით, მოლაპარაკებების პროცესს შეგნებულად არ ახმაურებენ, რათა ხელი არ შეეშალოთ, თუმცა, თუ რამდენიმე დღეში შედეგი არ ისქნება, ისევ ხალხის დახმარებაქ დასჭირდებათ.
დიუშენის სინდრომის მქონე ბავშვების მშობლები მედიკამენტებს მაქსიმუმ 2 თვის ვადაში ელოდებიანამასობაში კიდევ ერთი ბავშვი დავკარგეთ…
მოლაპარაკების პროცესს ჩვენ არ ვახმაურებთ იმის გამო რომ ხელი არ შეეშალოს, მაგრამ თუ რამდენიმე დღეში შედეგი არ გვქონდა ისევ ხალხს უნდა მოგმართოთ დასახმარებლად, – წერს წიქარიშვილი.
ცნობისთვის, დიუშენის კუნთოვანი დისტროფიით დაავადებული ბავშვების მშობლები 2 თვეზე მეტი თბილისში, კანცელარიასთან უწყვეტ აქციას მართავდნენ და შვილებისთვის წამალს ითხოვდნენ.
მოგვიანებით, ისინი ირაკლი კობახიძეს შეხვდნენ და წამლის შემოტანაში დასახმარებელად გარანტიები მიიღეს. შეიქმნა სამუშაო ჯგუფი, რომელიც “ოცნების” გადაწყვეტილებით ბავშვებისთვის მედიკამანტების უზრუნველყოფის საკითხებზე იმუშავებდა და რომელშიც მშობლებიც იქნებოდნენ.
დიუშენის სინდრომის მქონე ბავშვების მშობლები მედიკამენტებს მაქსიმუმ 2 თვის ვადაში ელოდებოდნენ.
საქართველოში დიუშენის კუნთოვანი დისტროფიის დიაგნოზით 100-მდე ბავშვია აღრიცხული. ეს გენეტიკური დაავადებაა, რომელიც ადრეულ ასაკში კუნთების დასუსტებას და ფატალურ შედეგს იწვევს. მშობლები ერთი წელია ქვეყანაში ამ მომაკვდინებელი დაავადების სამკურნალო პრეპარატის შემოტანას უშედეგოდ ითხოვენ.