ტვ “პირველმა” აღმოაჩინა, რომ ადამიანის კიდურები და სხეულის სხვადასხვა ნაწილები სამტრედიაში მიტოვებული შენობაში მიმოფანტული. მიტოვებული ფერმის ტერიტორიაზე, ადგილობრივების ინფორმაციით, კლინიკებიდან გამოტანილ ადამიანის სხეულის ნაწილებს უცნობი პირები პარკებით ეზიდებოდნენ და ყრიდნენ – რაიონი ეპიდაფეთქების საფრთხის წინაშეა.
სხვადასხვა ოპერაციების დროს, კლინიკებში სხეულის ამპუტირებული ნაწილები სოფელ მელაურის მცხოვრებლებმა ყოფილი ფერმის ტერიტორიაზე, რამდენიმე დღის წინა აღმოაჩინეს. მოსახლეობა ამბობს, რომ თავდაპირველად ყურადღება მძაფრმა სუნმა მიიქცია. მოგვიანებით კი შემთხვევით აღმოაჩინეს ადამიანის ძვლები, რომლითაც ძაღლებმა გამოიტანეს. ადგილობრივები ეჭვობენ, რომ სამედიცინო დაწესებულებებიდან გამოტანილი ამპუტირებული სხეულის ნაწილებს აქ უკანონოდ ყრიან.
მიტოვებულ შენობაში, სადაც ადგილობრივების ინფორმაციით, უკვე რამდენიმე თვეა ადამიანის სხეულის ნაწილები ინახებოდა, „პირველის“ კამერის გამოჩენას განგაში მოჰყვა.როგორც ირკვევა, ყოფილი ფერმის ტერიტორიაზე რამდენიმე ადამიანი მუშაობს. ისინი ოფიციალურად რას საქმიანობენ უცნობია.
ადგილობრივების მტკიცებით, მათი არაერთი მოთხოვნის მიუხედავად, ადგილობრივ მუნიციპალიტეტს, მათი თქმით, სხეულის ნარჩენების გატანისა და ტერიტორიის უსაფრთხოების უზრუნველყოფის მიზნით, პრევენციული ღონისძიება არ გაუტარებია. მოსახლეობა განმარტავს, რომ საფრთხის შესახებ შესაბამის უწყებებს რამდენჯერმე შეატყობინეს, თუმცა უშედეგოდ.