გარდაბანში ავტოსაგზაო შემთხვევას 16 წლის გოგოს სიცოცხლე ემსხვერპლა. როგორც შინაგან საქმეთა სამინისტროში აცხადებენ, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
შემთხვევის ადგილზე შეკრებილი ადგილობრივები აცხადებენ, რომ მსგავსი შემთხვევები ხშირად ხდება და სამართალდამცველებს პატრულირების გააქტიურებისკენ და დიდი სიჩქარით მოძრავი მანქანების გაკონტროლებისკენ მოუწოდებენ.