მთავარისიახლეებიუკრაინამ სარატოვის ნავთობგადამამუშავებელ ქარხანაზე მორიგი იერიში მიიტანა

უკრაინამ სარატოვის ნავთობგადამამუშავებელ ქარხანაზე მორიგი იერიში მიიტანა

Published on

უკრაინის გენერალური შტაბის ცნობით, უკრაინის შეიარაღებულმა ძალებმა 11 ნოემბერს სარაკეტო იერიში მიიტანეს სარატოვის ოლქში მდებარე ნავთობგადამამუშავებელ ქარხანაზე, რაც მიმდინარე წლის განმავლობაში აღნიშნულ ობიექტზე თავდასხმის უკვე მეშვიდე შემთხვევაა.

პარალელურად, Telegram არხებზე ვრცელდება კადრები, სადაც, სავარაუდოდ, ობიექტის ტერიტორიაზე მომხდარი აფეთქებები ჩანს.

გენერალური შტაბის განცხადებაში აღნიშნულია, რომ ნავთობგადამამუშავებელ ქარხანაზე დარტყმას რიგი აფეთქებები და მასშტაბური ხანძარი მოყვა.

თავის მხრივ, რუსეთის თავდაცვის სამინისტრო ირწმუნება, რომ მათ ღამით საერთო ჯამში 37 დრონი ჩამოაგდეს, მათ შორის, რვა – სარატოვის ოლქში.

სარატოვის გუბერნატორმა, რომან ბუსარგინმა, Telegram-ზე დაწერა, რომ დრონებმა სამოქალაქო ინფრასტრუქტურა დააზიანეს, თუმცა არ დაუზუსტებია, უშუალოდ ნავთობგადამამუშავებელ ქარხანას მოხვდა თუ არა დარტყმები.

რუსულმა მედიამ გაავრცელა ინფორმაცია, რომ ინციდენტის შემდეგ რეგიონულ აეროპორტში დროებით ფრენები შეზღუდეს.

აღსანიშნავია, რომ სარატოვის ნავთობგადამამუშავებელ ქარხანას უკრაინული მხარე დრონებით 3 ნოემბერსაც დაესხა თავს.

სიახლეები

სასულიერო პირები მხარდაჭერას უცხადებენ მიტროპოლიტ იობს

“მივესალმები საზოგადოებას - მართლმადიდებელი ეკლესიის მრევლს. მინდა მივმართო იმ საზოგადოებას, რომელიც ეკლესიის მრევლად თვლის...

აფრიკიდან გამოსაგზავნ ბაობაბებზე სასამართლო პროცესი იანვარში გაიმართება

სამხრეთ აფრიკიდან გამოსაგზავნ ბაობაბებზე სასამართლო პროცესი იანვარში გაიმართება - სამხრეთ აფრიკული საგამოძიებო გამოცემის, Daily...

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა. ოჯახის წევრები და...

აქციაზე დაკავებულების ოჯახის წევრები ბრიუსელში ჩავიდნენ

"თავისუფლების ხმა ციხიდან ევროპის დედაქალაქში” - აქციებზე დაკავებულების ოჯახის წევრები საქართველოს სხვადასხვა რეგიონში გამართული...