24 ოქტომბერს, აბაშის გზაზე მომხდარი ავარიის დროს დაშავებული პატარძლის ლიკა კუჭუხიძის შესახებ გავრცელებულ ინფორმაციას, რომ თითქოსდა რეანიმაციაში მყოფი ლიკას მდგომარეობა გაუმჯობესდა (თითები აამოძრავა და ბავშვიც შეუნარჩუნდა), დაშავებულის დედა ეხმიანება:
„მადლობელი ვარ კეთილი სურვილებისათვის, მაგრამ ძალიან მაინტერესებს, როგორც შვილის დედას, ასეთი ცრუ ინფორმაცია საიდან გაქვთ. დღე და ღამე ჩვენს შვილთან ვართ, ჩვენ არაფერი ვიცით და თქვენ საიდან გაქვთ ამდენი ცრუ ინფორმაცია?
უფალს ვთხოვ, რომ მართლა ეგრე იყოს. მე თვითონ დავწერ და გავახარებ სრულიად საქართველოს, რადგან ვხედავ, მესმის და ვგრძნობ, რომ ჩემი დიდი სატკივარი ყველა ქართველის სატკივარია,“ – წერს ლელა მაისურაძე.