ივანიშვილის მთავრობის პრემიერ-მინისტრი ირაკლი კობახიძე ტვ “იმედის” ეთერში ოპოზიციაზე და აქციის მონაწილეებზე საუბრობს და მათ შეურაცხმყოფელი და დამაკნინებელი ტონით მოიხსენიებს. კობახიძის თქმით, “რუსთაველზე 20 კაცი გამოდის და ქვეყნის მთავარ გამზირს კეტავს”, მაგრამ ხელისუფლება ამას მოთმინებით ეკიდება.
“მაგრამ ერთხელ ესეც უნდა დამთავრდეს, რომ 20 კაცი გამოდის და კეტავს ცენტრალურ გამზირს, აწუხებს მოქალაქეებს”, – თქვა კობახიძემ ეთერში.
ამავე დროს, აქციის მონაწილეებზე საუბრისას მან განაცხადა:
“თქვენ ხომ ხედავთ რამდენად დასუსტებულია რადიკალური ოპოზიცია. არაფრის რესურსი არ აქვთ, არც არჩევნებში, არც ქუჩაში. საერთოდ არსად. ჯერ ნახეთ რა სახეები გამოდიან, ხომ? აი, შტაბთან მისული ადამიანები. აბსოლუტურად სახე დაკარგული ადამიანები. ყველაფერ წაშლილი ადამიანები. არც ეროვნება, არც რელიგია, არც სქესი, არაფერი არ აქვთ. ყველაფერი დაუკარგეს, წაუშალეს”.