ივანიშვილის პრემიერმა, ირაკლი კობახიხიძემ ჟურნალისტებთან საუბრისას თქვა, რომ აჭარის მთავრობის ყოფილ თავმჯდომარესთან, თორნიკე რიჟვაძესთან კომუნიკაცია არ ჰქონია, რადგან მას “ტელეფონი არ აქვს”, რის შემდეგაც კობახიძემ ასევე თქვა, რომ ტელეფონზე დარეკვა არ უცდია, რადგან უთხრეს, რომ “შეგვეძლო ამბის მოკითხვა, მაგრამ არ შეგვეძლო დარეკვა”.
“მე არ მქონია პირდაპირი კომუნიკაცია თორნიკე რიჟვაძესთან, გამომდინარე იქიდან, რომ ამის ტექნიკური საშუალება არ იყო – ტელეფონი მას არ აქვს, თუმცა ჩვენ მუდმივად ვკითხულობთ მისი ჯანმრთელობის ამბავს და გვიხარია, რომ ყველაფერი მიდის ძალიან კარგი მიმართულებით. რაც შეეხება გამოძიებას, ინფორმაციას – ყველაფრის გასაჯაროება შეიძლება, მათ შორის იმ კადრების, რომლებიც არსებობს, შეგიძლიათ დაინტერესდეთ პროკურატურასთან და ამ კადრების გასაჯაროებას ვერაფერი დაუდგება წინ. ეს არის ისეთი კადრები, რომლებიც ამ შემთხვევას უშუალოდ არ ასახავს. […] მე არ დამირეკია ტელეფონზე, მითხრეს, რომ შეგვეძლო ამბის მოკითხვა, მაგრამ არ შეგვეძლო დარეკვა”. – თქვა კობახიძემ.
9 ივლისს რიჟვაძე სამკურნალოდ თურქეთში გადაიყვანეს. ინფორმაცია მედიას პირველი საუნივერსიტეტო კლინიკის კლინიკურმა დირექტორმა, ლალი ტურძელაძემ დაუდასტურა.