აქტივისტი გრეტა ტუნბერგი ამბობს, რომ კიდევ ერთ ნავს შეუერთდება, რომელიც “ღაზას უკანონო ბლოკადის გარღვევას” შეეცდება.

ტუნბერგი აცხადებს, რომ 31 აგვისტოს ღაზას მიმართულებით ესპანეთიდან ათეულობით ნავი ერთდროულად დაიძვრება, რომლებიც 4 სექტემბერს ხმელთაშუა ზღვაში სხვა პორტებიდან გამოსულ ნავებს შეხვდებიან. 

ამის პარალელურად გრეტა 44 ქვეყანაში პალესტინის მხარდასაჭერ აქციებს აანონსებს.

“გლობალური სუმუდის ფლოტილია” ასევე მოიცავს ბრაზილიელ აქტივისტ ტიეგო ავილას, რომელიც ადრე ფლოტილიის მცდელობაში მონაწილეობდა.

ცნობისთვის, 9 ივნისს ისრაელმა დააკავა ნავი, რომელიც ისრაელის მიერ შემოღებული საზღვაო ბლოკადის გარღვევასა და ღაზის სექტორში ჩაღწევას ცდილობდა. ნავზე მყოფ 12 პირს შორის შვედი აქტივისტი, გრეტა ტუნბერგი და ფრანგი ევროპარლამენტარი, რიმა ჰასანიც იყვნენ.

ნავი Madleen-ის საზღვაო მისია პროპალესტინური და ანტიისრაელური “თავისუფლების ფლოტილიის კოალიციის” მიერ იყო ორგანიზებული.

Madleen-ის დაკავების შემდეგ, ისრაელმა განაცხადა, რომ ნავზე მყოფი ყველა მგზავრის დეპორტაცია მოხდებოდა.