“ჩემს შემთხვევაში საპროცესო გარიგება, ეს ცოცხლად დამარხვის ტოლფასია”- ამის შესახებ “ბათუმელებისა” და “ნეტგაზეთის” დამფუძნებელმა, მზია ამაღლობელმა ბათუმის საქალაქო სასამართლოში, თავის საბოლოო სიტყვაში განაცხადა.

დაპატიმრებული ჟურნალისტი ამბობს, რომ სილის გაწვნის თავდასხმად წარმოჩენა და შეფუთვა ბოროტებაა:

სადაც მე ვარ გამოკეტილი, იქ საპროცესო გარიგება მართლაც ღვთის წყალობა შეიძლება იყოს, ვერასოდეს დავივიწყებ პატარა გოგოს ხმას, პატიმრის, რომელიც ამბობდა, რომ “დედა მენატრება, დედასთან წამიყვანეთ”, მაგრამ ჩემს შემთხვევაში, ეს ცოცხლად დამარხვის ტოლფასია.

არა და ვერ მოვაწერ ხელს ამ საპროცესო გარიგებას, რადგან რაც მოხდა ის არ იყო თავდასხმა, და სილის გაწვნის თავდასხმად წარმოჩენა და შეფუთვა ბოროტებაა, რა სამართალია მე არ ვიცი“, – თქვა მზაია ამაღლობელმა სასამართლო პროცესზე “პუბლიკას” მიხედვით.