უკრაინის პრეზიდენტის, ვოლოდიმირ ზელენსკის თქმით, უკრაინა-რუსეთის მოლაპარაკებების მომდევნო რაუნდი 23 ივლისს გაიმართება. ამის შესახებ ზელენსკიმ ვიდეომიმართვაში ისაუბრა.
ზელენსკის თქმით, მან შეხვედრის შესახებ ეროვნული უსაფრთხოებისა და თავდაცვის საბჭოს მდივანთან, რუსტემ უმეროვთან ისაუბრა.
“რუსტემ უმეროვთან განვიხილე ტყვეთა გაცვლის მომზადება და რუსულ მხარესთან კიდევ ერთი შეხვედრა თურქეთში. უმეროვმა მომახსენა, რომ შეხვედრა ოთხშაბათს არის დაგეგმილი. უფრო მეტი დეტალი ხვალ გახდება ცნობილი”. – თქვა ზელენსკიმ.
უკრაინისა და რუსეთის დელეგაციებს შორის პირდაპირი მოლაპარაკებები ბოლოს 2 ივნისს სტამბოლში გაიმართა.