სამოქალაქო აქტივისტი, მარიამ სიჭინავა, რომელმაც ირაკლი ზარქუას პროტესტის ხმა გააგონა, სოციალურ ქსელში წერს, რომ საბანკო ანგარიშებზე ყადაღა მოუხსნეს.
აგერ მეგობრებო, რა შეუძლია ხმაურს და ინფორმაციის სწრაფ გავრცელებას. ჩემს ანგარიშებს ყადაღა მოხსნეს.” – წერს მარიამ სიჭინავა.
ცნობისთვის, 21 მაისს, “ოცნების” დეპუტატს, ირაკლი ზარქუას ზუგდიდში პროტესტით დახვდნენ. სამოქალაქო აქტივისტის, მარიამ სიჭინავას მიერ გავრცელებულ კადრებში ჩანს, რომ ირაკლი ზარქუა “ლეთოში” იმყოფებოდა, რა დროსაც აქტივისტებმა მას ზუგდიდის დატოვება მოსთხოვეს. მომხდარის შემდეგ, ირაკლი ზარქუამ მარიამ სიჭინავას და კერენ ესებუას უჩივლა.