აშშ-ის პრეზიდენტი დონალდ ტრამპი რუსეთ-უკრაინის მოლაპარაკებებზე დასასწრებად თურქეთში ჩასვლას არ გეგმავს. ინფორმაციას CNN-ი თეთრ სახლში არსებულ წყაროზე დაყრდნობით ავრცელებს.
აღსანიშნავია, რომ მანამდე ტრამპი თურქეთში ჩასვლასა და მოლაპარაკებებში უშუალო მონაწილეობის მიღებას არ გამორიცხავდა. ის არ გამორიცხავდა არც იმას, რომ მოლაპარაკებებზე ჩასასვლელად დაგეგმილ ტურნეში ცვლილებებს შეიტანდა და თურქეთს ეწვეოდა: “ვიცი, სურს [პუტინს], რომ იქ ვიყო და ეს შესაძლებელია… თუ ასე შევძლებთ ომის დასრულებას, მაშინ თურქეთში ვიზიტზე ვიფიქრებ”.
ამასთან, გუშინ, რუსეთის პრეზიდენტმა, ვლადიმერ პუტინმა დელეგაციის შემადგენლობა დაამტკიცა – ცნობილი გახდა თურქეთში წამსვლელთა ვინაობა, თუმცა შემადგენლობაში თავად პუტინი არ ფიგურირებს.
ახლა დონალდ ტრამპი კატარში იმყოფება, გუშინ კი საუდის არაბეთში იმყოფებოდა.
შეგახსენებთ, დღეს თურქეთში უკრაინასა და რუსეთს შორის მოლაპარაკებები გაიმართება. უკრაინის დელეგაციაში შედიან : პრეზიდენტი ვოლოდიმირ ზელენსკი, საგარეო საქმეთა მინისტრი რუსტემ უმეროვი, თავდაცვის მინისტრი რუსტემ უმეროვი, პრეზიდენტის ადმინისტრაციის ხელმძღვანელი ანდრეი ერმაკი და ვოლოდიმირ ზელენსკის მრჩეველი დიპლომატიურ საკითხებში იგორ ჟოვკვა.