დონალდ ტრამპი მიიჩნევს, რომ რუსეთს, სავარაუდოდ, მთელი უკრაინის ტერიტორიაზე კონტროლის მოპოვება სურს – აშშ-ის პრეზიდენტმა ეს მოსაზრება NBC News-თან ინტერვიუში გამოთქვა.
ტრამპის თქმით, რუსეთს მოუწევს უარი თქვას მთელ უკრაინაზე – „რუსეთს მთელი უკრაინის დათმობა მოუწევს. რადგან რუსეთს მთელი უკრაინა სურს“, – განაცხადა აშშ-ის პრეზიდენტმა.
“მე რომ არ ჩავრეულიყავი, ისინი ახლა მთელი უკრაინისთვის გააგრძელებდნენ ბრძოლას. რუსეთს მხოლოდ ის ნაწილი არ სჭირდება, რაც ახლა აქვს – მას მთელი უკრაინა სჭირდება” – ამბობს ტრამპი და აღნიშნავს, რომ მას შეუძლია ხელი მოაწეროს სანქციებს რუსეთის ფედერაციის წინააღმდეგ.
“ეს დამოკიდებულია იმაზე, წავა თუ არა რუსეთი მშვიდობის მიღწევის მიმართულებით. ჩვენ გვინდა სამშვიდობო შეთანხმება. ჩვენ გვჯერა, რომ საკმარისად ახლოს ვართ და ბევრ ადამიანს სიკვდილისგან გადავარჩენთ. ჩვენ ასევე ბევრ ფულს დავზოგავთ” – განმარტა ტრამპმა.
მისივე თქმით, მოლაპარაკებების პროცესში შეერთებული შტატები ერთ მხარესთან უფრო ახლოსაა, ვიდრე მეორესთან, თუმცა არ დაუკონკრეტებია რომელთან.