ივანიშვილის სასამართლომ რუსული კანონის აქციებზე დაკავებული კიდევ ერთი პირი დამნაშავედ ცნო და 4-წლიანი პატიმრობა მიუსაჯა. გიორგი კუჭუაშვილს პოლიციელზე თავდასხმას [353-ე 1 პრიმა მუხლი] ედავებოდნენ. ის 12 მაისს დააკავეს და სასამართლო პროცესები ამ დრომდე მიმდინარეობდა, სავარაუდოდ იგივე მოტივით, რითაც გიორგი ოკმელაშვილის – ვერ მოესწრო პრეზიდენტ ზურაბიშვილს მათი შეწყალება.
ივანიშვილის პროკურატურის მტკიცებით, კუჭუაშვილმა რობოკოპს ბოთლი ესროლა. თავად ბრალდებული მუხლს არ ეთანხმება და აცხადებს, რომ ბოთლი ისროლა, თუმცა არა პოლიციის მიმართულებით.
დამნაშავედ ცნეს და 2 წლითა და 3 თვით თავისუფლების აღკვეთა მიესაჯა დავით კოლდირს, რომელიც ასევე რუსული კანონის აქციებზე დააკავეს და პოლიციის მანქანის დაზიანებას ედავებოდნენ.
შეგახსენებთ, იგივე ბრალდებით გუშინ, 5 წლიანი პატიმრობა მიუსაჯეს გიორგი ოკმელაშვილსაც.