13 წლის არასრულწლოვანის გაუპატიურებისთვის კაცს 15 წლით პატიმრობა მიუსაჯეს

0
46

გურჯაანში 15 წლით პატიმრობა მიესაჯა კაცს, რომელმაც ფერმაში შეიტყუა 13 წლის არასრულწლოვანი და გააუპატიურა, – ინფორმაციას პროკურატურა ავრცელებს:

“პროკურატურის მიერ წარდგენილი მტკიცებულებების საფუძველზე, არასრულწლოვნის გაუპატიურების ფაქტზე ბრალდებულს 15 წლით თავისუფლების აღკვეთა მიესაჯა.

გურჯაანის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და არასრულწლოვნის გაუპატიურების ფაქტზე ბრალდებული დამნაშავედ ცნო.

სასამართლო პროცესზე გამოკვლეული მტკიცებულებებით დადასტურდა, რომ ბრალდებულმა 18 იანვარს, გურჯაანის რაიონის სოფელ ჯიმითში მდებარე ფერმაში, 13 წლის არასრულწლოვანი გააუპატიურა.

დაკავებულს ბრალდება 137-ე მუხლის მე-4 ნაწილის „გ“ ქვეპუნქტით (არასრულწლოვნის გაუპატიურება ჩადენილი ძალადობით) წარედგინა.

გურჯაანის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 15 წლით თავისუფლების აღკვეთა განუსაზღვრა,”- აღნიშნულია განცხადებაში. 

წინა სტატიათავი შეიკავეთ უცხო ნომრებიდან SMS შეტყობინებებით მიღებული საეჭვო ბმულების გახსნისგან – პერსონალურ მონაცემთა დაცვის სამსახური
შემდეგი სტატიანატოს სამიტის განცხადებაში საქართველოცაა ნახსენები – რისკენ მოუწოდებს ალიანსი რუსეთს
ტელეკომპანია ოდიშის საინფორმაციო სამსახური